Бұл сіз үшін нені білдіреді?

Бұл жоба сатып алудың негізгі рәсімдері өзгеріссіз қалатын есеп айырысудың жаңа тәсілін енгізеді.

• Арнайы белгіні іздеңіз: Цифрлық теңгемен ақы төленетін сатып алудың хабарландыруда тиісті белгісі болады.
• Сатып алу процесі өзгермейді: Сіз бұрынғыдай zakup.nationalbank.kz порталында қолданыстағы Тауарларды, жұмыстар мен қызметтерді сатып алу қағидаларына сәйкес сатып алуға қатысасыз.
• Ақы төлеудің жаңа тәсілі: Цифрлық теңге – бұл жасалып қойған шарттар бойынша төлем алудың қосымша, заманауи және қауіпсіз тәсілі.
• Бұл оңай және сенімді: 1 цифрлық теңге әрқашан 1 кәдімгі теңгеге тең. Сіз оны кез келген уақытта қолма-қол емес ақшаға еркін айырбастай аласыз.

Цифрлық теңгемен төлемді қалай алуға болады?

Цифрлық теңгемен есеп айырысуға қатысушы болу оңай. Ол үшін мынадай үш қадамды орындау керек:

• Сатып алуда жеңімпаз болыңыз: Ұлттық Банкпен немесе оның еншілес ұйымымен «Цифрлық теңгемен төлеу» деп белгіленген лот бойынша сатып алу туралы шарт жасаңыз.
• Цифрлық шот ашыңыз: Арнайы цифрлық шот ашу үшін өзіңізге қызмет көрсететін екінші деңгейдегі банкке хабарласыңыз. Жобаға қатысушы банктер (Агенттер) сізге барлық қажет ақпаратты беріп, шот ашуға көмектеседі.
• Төлемді алыңыз: Шарт бойынша төлемді есепке жатқызу үшін тапсырыс берушіге жаңа цифрлық шотыңыздың деректемелерін беріңіз.

Сіздің бизнесіңіз үшін артықшылықтар

• Инновациялар: Ұлттық ауқымдағы озық қаржылық жобаның бір бөлігі болып, қазірден болашақтың төлем құралын пайдаланыңыз.
• Ыңғайлылық: Цифрлық теңгемен есеп айырысу әдеттегі банктік инфрақұрылымға біріктірілген.
• Айқындылық: Цифрлық теңге технологиясы транзакциялардың айқындылығы мен қауіпсіздігінің жоғары деңгейін қамтамасыз етеді.

Сатып алуға қатысып, цифрлық теңге арқылы жаңа қаржы мүмкіндіктерін ашыңыз!